PAPPEDALLE’NA PUANG ALLAHU TAALA
Umma selleng
malebbi engkae riamasei ri puang allahu taala, sukuru’tenrigangka lao risese
arajanna puang allahu taala rimuka engkata muannessi nawereng
apanginringenng.nawereng apatiroang, natopada engkasi hadere ri lalenna iyye
onrong mabbarakka’e.
Salawa nennia pappasalama’lao ri
pangulukkeng Nabitta Muhammad saw,lebbi-lebbipiha ki matti riwanua akhira
insyaallah.
Narekko mabbicara masalah assapareng
dalle’ki hhukumna yanaritu waji’i, nasaba iyaro tasseddie mahluk hidup de
naripatuo ri puang allahu taala rilebo’na
yae lino sangadinna pura ripassadiangenni dalle’na,jaji melomeni bawang
isappa bettuanna ada berusahaki sappai pappedalle hallala’na puang allahu
taala,nasaba iyar lino memeng saisai onrong akkaresong.
Umma selleng
malebbi engkae hadere’
Lino onrong
sappai pappedalle’na puang allahu taala,engka riwereng dalle’maega, engkato riwereng
dalle’ tengnga-tengnga, nennia engkato tau riwereng dalle’makurang. Naiyakia
tania pole rimaeganna dalle’e mancaji ukurang,naiyakia pole ri asukkureketta
tarimai pappedalle’na puang allahu taala ,Namoni cedde naekko engkmui
mabbarakkamui,naiyakia lebbi kessippa narekko yatona maega yatona mabbarakka.
Umma selleng
amlebbi engkae riamasei ripuang allahu
taala.
Assappareng
dalle’e parellu irisseng apolengenna iya sicoco’e sibawa agamata yanaritu engka
tellu:
1.
Ripadecengiwi carata makkasiwiang lao ripuang allahu taala, nasaba narekko
makessingngi carata makkasiwiang lao ri puang allahu taala pasti naukkarekki barakka’na langie nennia barakka
pole ritanae, padatoha rimakkedanna puang allahu taala
ولو أن أهل القريءامنواواتقوا لفنحنا عليهم
براكت من السماء والآرض
Benengnge pendudu’na linoe pada mateppe’i nennia pada metaui ripuang
allahu taala,majeppu ribukkarengngi masse barakka’na langie nennia tanae,
Jaji nigi-nigi tau melo
lolongengngi goncinna pappedalle’e
yanaritu teppe’nennia tau’e lao ripuang allahu taala. Nigi-nigi melo
rilomoiyyang dalle’na ripuang allahu taala tapadecengiwi ibadata terutama
sempajatta,nasaba degaga tau ripakkasi-asi ripuang allahu taala tau
makessingnge sempajanna.Nasaba rilaleng sempajangnge engka memetto baca-bacana
sarekko ammengngi nalomoyakki dalle’ta puang allahu taala yanaritu
رب اغفرلي وارحمني وارفعني ورزقني وهدني واعف
عني
e...puang taddampengekka nennia tamaseika,nennia teppangngi akurangekku
nennia patarakka’i makkotoparo pakkedallekika.
Dalle’e riakkaresoipa sappai,iyanaro
saba’na naengka adanna tau riolota makkeda RESOPA TEMMANGINGNGI NALETEI PAMMASE
DEWATA sedangkan anre engkae riolota narekko de nato makkareso jeppui nainappa
ritempu de namungkin manre sendiri temue,namanassani engka riyolota apalagi
pappedalle’na puang allahu taala.Musti yakkaresoipa,jaji lino napancajingekki
puang allahu taala untuk akkaresong.
2. menyisihkan sebagian rezki ( riabbereangngi sebagian pappedalle’na
puang allahu taala ), makkedai puang allahu taala rilalenna akorang malebbi’e
ye bettuanna makkeda” alai pole riwaramparangmutu mennang sekke iya engkae
mancaji pappepaccing pole rimennangro”.
Umma selleng malebbi engkae hadere’
Nigi-nigi tau malabo mabbereangngi waramparanna majeppu malomoi
dalle’na...
3. Makessippi assisompungenna loloe
4. ipamegai zikkiri’e nennia parelleau doangnge lao ripuang allahu
taala,makkedai puang allahu taala”
فاذكروني أذكركم واشكروالي ولاتكفرون
“rampe-rampeka nakurampe tokko
nenniya sukkurukika naaja muassakarengngi pappenyamekku.
Narekko meloki nalomoyyang pappedalletta puang allahu taala tapamegaiwi
parellau doatta.
وقال ربكم ادعوني أستجب لكم
Makkedai puang allahu taala ellauko riiya nawarekko
Agi-agi ibutuhkan degaga wedding rionroi marellau sangadinna puang
allahu taala.
Sebagai kesimpulanna
narekko meloki lolongeng pappedalle’na puang allahu taala nennia napabbarakka’i
pada rijamai engkae irampe onna’e....
<<wassalam>>
