Pappasenna Puang Allahu Taala( QS: Al-Imran:
102 )
Salawa nennia
pappasalama sukku lao rinabitta Muhammad saw, Nabi ye teppaja tiroangngiumma’na
laleng patuju namalempu,saba’ni nassabari natopada salewangeng rilino nato
maupe ri ahera insyaallah.
Sining umma’
selleng malebbi ye engkae riamasei ripuang allahu taala
Rilalenna ye
wettu cinampe’e upuminasai pallaringekki ada-ada asiparengngerangeng ri tujunna
seddie aya’ malebbi’na puang allahu taala rilalenna surah al-imran:102
rimakkedanna
يأيهاالذ ين ءامنوا
ee..sininna tau mateppe’e...
Ripammulanna iyye aya’e
naollikissi puang allahu taala idi sininna tau masengngi alena mateppe’.Iyye
mancaji tandra makkeda iyaro puang allahu taala temmaka napojinna tau
mateppe’e,nasaba sigamua egana rupa tau tuo rilebo’na iye tanae,engkani tau
kapere’e,munafe’e,tau fase’e,naiyakia puang allahu taala,tau mateppe’emi
naolli.Narekko mangobbi’i puang allahu taala tentu engkatu ekkattana,ternyata
risambungi iye aya’e memeng engka 2 pappaseng melo napalettukekki puang allahu
taala lao ri idi tau mateppe’e.
اتقو الله حق تقا ته
1.
Pada etauki ripuang allahu taala
nasibawai tau’ tongeng-tongeng
Jaji nalorekki idi tau mateppe’e metau lao ri alena
nasaba tau tongeng-tongeng.Momponi seddi pakkutana makkeda “magai naidi tau
mateppe’e nasuro metau ? jawabannya yaitu nasaba mega tau masengngi alena
mateppe’ naiyakiya dena metau lao ripuang allahu taala,Tau mateppe’ naseng
alena jokkai ripasa’e naceko-cekoangngi pangellie,mateppe naseng alena naiyakia
jokkai ri pangempangnge yare’ga tapparengnge,balena taue nalele,mateppe naseng
alena,jokkai masigi’e massandala seppi,sisenna lesui massandala barui,iyanaro
passabarenna nasuroki puang allahu taala metau tongeng-tongeng lao
rialena.Narampetoi puang allahu taala ri aya’ lainnge rimakkedanna
فتقو ا لله ما ستطعتم
Maka bertaqwalah kamu kepada allah sesuai dengan
kesanggupan..
Puang allahu taala nalorekki bertakwa sesuai sibawa kemampuatta,atau
dengan kata lain memaksimalkan usaha untuk melaksanakan perintahnya dan
manjauhi segala larangannya,mabiasami idi diselei makkeda” pada etauki lao
ripuang allahu taala sesuai dengan kamauan” bettuanna ada,iyyapasi nassempajang
,nappuasa,lao mabbere jama’narekko meloi,narekko dessi namaelo dessi
najokka,Mabiasa makkeda de ullei massempajang,de’na ullei mappuasa,dessa nade’
nullei tetapi de’mi namelo,nasaba magala’mua mattakro,maggolo,nennia marakka
barang.bansana iyye tau de namttongeng-tongeng mateu lao ripuang allahu taala.
Kaum muslimin rahimakumullah
2.
ولاتمو تن ألا وأنتم
مسلمون
Aja lalo pada mumate sngadinna ri lalenna agama
sellengnge.
Idi rupa taue degaga missengngi ajjaletta,nasaba merupakan rahasiana
puang allahu taala. De’na ri isseng makkeda mate maloloki’ga yare’ga
matoaki,essoga yare’ga wenni,akkokigga tanae yare’ga ko tasi’e,tau seha tau malasa yare’ga tau sehat,tau commo
yare’ga tau doko,tau sogi yare’ga tau kasi-asi,narekko narattei ajjalenna pasti
mate manekki.Naiyakia aja tosi naiyyaro maladde ipikkiriki,tapi iya parellu ri
perhatikan iyanaritu pappasenna puang allahu taala iya engkae ribahas,di
asahakan’i aja’ lalo tamate narekko de yengka ri lalenna agama
asellengnge.Nasaba narekko mateki ri lalenna akaferekengnge pasti
mannennungekki ri lalenna renaka.niyakia narekko pura mokki massyahada natomate
tamaki tamana renaka tapi engkamoa panggangkanna,narekko puraki ricalla
nakarana degaga parenta lain ipegau,riwerenni sure’ pindah lao risuruga.Pada
toha seddie riwaya’na tau kaminang marimonrie tama suruga hanya bermodalkan
satu kalimat syahadat.Tapi idi tau masengngi alena tau mateppe tongeng-tongeng
aja lalo tamacapa nasaba ripahang makkeda siesso rilino sisebbupa essona ri
renaka,api engkae rilino rumpunnami apinna renaka,nauzubillah tsumma naudzu
billah min zalik.
Sining umma’selleng ye engkae riamasei ripuang allahu taala
Sebagai kesimpulang naiya pappasenna puang allahu taala rilalenna surah
al-imran 102
1.
Pada etauki lao ripuang allahu
taala nasaba tau tongeng-tongeng
2.
Aja’ lao pada tamate sangdinna
rilalenna agama sellengnge
Narimakkuannanaro engka laloki perhatikang madecengngi mammure’i
rilolongengnge alabangeng rilino nennia asalamakengnge ri ahera insya allah
WABILLAHI TAUFIQ
WAS-SA’ADA
