BULAN RAMADAN DINAMAKAN BULAN YANG MULIA
Rilalennna iye
wettu mabbarakka’e maelo’e riala ada-ada
assiparengngerangeng iyanaritu ritujunna Saba’na Ramalang Nariaseng Uleng
Malebbi. Marissengeg riseseta maneng makkeda napancijiwi puang allahu taala
rilalenna sitaungnge 12 uleng, padatoha narampewe puang allahu taala ri lalenna
surah Al-Taubah ayat:36
ان عدة ا لشهور عند الله اثنا عشراشهرافي
كتاب الله يوم خلق السموات واللءرض منها أربعة حرم
Majeppu stongeng-tongenna bilangenna uleng iya engkae pura napatentu
puang allahu taala risesena 12 uleng (rilalenna sitaungnge) riwettu
napancajinna langie natanae, saisani ritu engka eppa uleng napaccing.
Diantara 12 bulan iya engkae napancaji puang allahu taala uleng kaminang
malebbi pole riseppuloe dua uleng yanaritu uleng ramalang. Tentu engka
makkutana makkeda magai natennia leng-uleng laingnge napancaji puang allahu
taala uleng malebbi? Pada-padanna uleng muharram yare’ga uleng Rajab yare’ga
uleng Zul hajji..narimakkuannanaro aga saba’na uleng ramalang nariaseng uleng
kaminang malebbi..
Umma selleng malebbi engkae riamasei ripuang allahu taala.
1. Rilalenna uleng ramalang napparelluangngi puang allahu taala
puasae,padatoha narampewe Nabitta muhammad saw rilalenna haddese’na makkedae:
جعل الله صيام نهاره فريضة,وقيام ليلة تطوعا.
Napperulluangngi puang allahu taala puasaewe ri essona ramalang, nennia
nasunnakengngi sempajang tarawe riwenninna ritu.
Haddese’ riase
napannessai Nabitta makkedae naiya puasae ri esso ramalang waji’i masse ri
yamanenna umma’sellengnge naiyatosi sempajang tarawewe rwenni ramalang sunna’i.
2. rilalenna uleng ramalang napalleppi-leppiwi uang allahu taala
appalanna pakkasiwiyangnge padatoha
narampewe nabitta muhammad saw rimakkedanna” ngi-nigi mappangawe ripuag allahu
taala rigau engkana pogau seddi deceng pappadai narekko pegaui seddi parellu
risaliwenna uleng ramalang.Nanigi-nigi pogau seddi pappadai narekko pegaui
pituppulo parellu risaliwenna uleng ramalang.”
Jangankan amala’
ripegau rilalenna uleng ramalang,tinrona bawang pappuasae rilalenna uleng
ramalang lolongengngi appalang.
3. rilalenna uleng ramalang napaturungngi puang allahu taala akorang
malebbie.
Jaji akorang malebbie ripaturungngi lao rinabitta muhammad saw rilalenna
uleng ramalang iyanaritu pada malam 17 ramadan,ketika nabi berhalwat di gua
hira.ketika itu datanglah malaikat jibril kepada Rasulullah saw mengantarkan
wahyu yang pertama.Nrimakkunnanaro idi umma sellengnge parellu ritepperi
engkanai akorangnge ripaturung lao nabitta muhammad saw,iyya engkae mancaji
pedoman nenniya apatiroang.akorang malebbie narekko ribacai mancajiwi
pakkasiwiang .
Umma selleng malebbi engkae riamasei ripuang allahu taala
4. rilalenna uleng ramalang puang allahu taala napaturungngi seddi wenni
kaminang mabbarakka iyanaritu malam lailatul qadar.naiya appalanna
pakkasiwiangnge ri wenni lailtul qadr yanaritu maserro decengngi naiyya sisebbu
uleng,narimakkuannanaro sibole-boleta lalo pada sappai lailatul
qadr,ritugke-tungke wenni ramalang,nasaba de’napatentui puang allahu taala
aturungenna.aga saba’na yanaritu nalorengngi puang allahu taala risappa
lailatul qadr ritungke-tungke wenninna ramalang rigau engkata papolei
rupa-rupanna pakkasiwiangnge pada-padanna sempajangnge,mengajie,masskiri’e dll.
WASSALAM
