ASSOMPANA ATAE LAO RI PUANG ALLAH TAALA

“ASSOMPANA ATAE LAO RI PUANG ALLAH TAALA”

Teppaja ripatarakka tandra asukkurekeng marajata mappoji tendri gangka lao risese arajanna puang allahu taala,nasaba pada engkata muanneng mopa nawereng umuru’ malampee,koettopa tubuh majjappa,sehingga pada engkaki hadere’ rilalenna iye ondrong mabbarakka’e,de’ lain akktata sangadinna untuk tuntu’i riona puang allahu taala.

Nennia tendri yallupai toi massalawa sbagai pappasalama lao rinabitta muhammad S,A,W.yang mana dialah nabi yang mengangkat manusia dari lembah kehinaan menuju lembah kemuliaan,atau dengan kata lain”ADDINUL _ISLAM WAL_IMAN” agama sellengnge nasibawai teppe’.

“KAUM MUSLIMIN RAHIMAKUMULLAH”

Naiyamua maelo riala ada-ada assiparengngerangeng yanaritu :ASSOMPANA ATAE LAO RIPUANG ALLAH TAALA. Makkedai tau pandritata rilalenna kitab  tasauf’e” iyaro atae nariaseng ata, nasaba engkana matturu nennia massompa lao ripuang allahu taala. Naiyatosi puang allahu taala nariyaseng puang, nasaba alena pancajiwi atanna,alena topa mebburengngi ondrong,inung,andrekandre,dsb pole risiagae egana pappinyameng iya nawerengngi atanna.

Jaji parellu pada ripahang makkeda,nigi-nigi tau de’nmaelo massompa lao ripuang allahu taala,majeppunna engkanitu massakkarengngi puanna,nennia de naakui alena ata pole ripuang allahu taala. Makkedai puang allahu taala rilalenna akorang malebbi’e”WAMA KHALAKTUL JINNA WAL INSI ILLA LIYA’BUDUN” de’ upancajiwi jingge nennia rupa tauwe sangadinna ulorengngi massompa lao ri iya. Jadi akkatana aya’e riyase’ makkeda waji’i idi atae massompa lao ripuang allahu taala.dee nakkeda puang allahu taala”upancajiwi jingnge nennia rupa tauwe ulorengngi makkala egangeng waramparang,makkala tandrengen pangka’ dsb.akn tetapi de’to nacciakki puang allahu taala itaro maega waramparatta nennia ipatandrei pangkatta,akan tetapi lebbi ipaddioloi mkkasiwiyangnge lao ripuang allahu taala.

“KAUM MUSLIMIN YANG BERBAHGIA”

Ada-ada assompa,maponco ripuada naiyakia maloang namasakka,marilaleng namarisaliweng pabbettuanna. Narampei andre gurutta topanritae rilalenna kitta’na makkeda”nigi-nigi majeppui alena,najeppui tonitu puanna” bettuanna ada, nigi-nigi missengngi alena ata pole ripuang allahu talla,majeppu nisseng tonitu makkeda puang allahu taalami puang mappancaji nennia maraja kuasa.narekko engkani pahangngi  alewe ata,tentu ripahang toni engka puatta pancajiki.berarti riturusitonitu aga nassuroang puatta nennia rininiri toni aga nappesangkangeng puatta.

“KAUM MUSLIMIN RAHIMAKUMULLAH”

Nasaba mabiasatotu engka puadai riseddie tareka makkeda”nigi-nigi tau massempajang nade’nissengngi lise’na.bellang alindrona,makkaddaro uttuna,degaga naruntu sangadinna tekko bawang simata”iyanae seddi bicara engka salana engkato tujunna.naiya salana yanaritu ritujunna tau maggurue massempajang.weddingngi nassabari napappesaui massempajangnge,nasaba ciana makkareso bawang.nasaba degaga gunana nennia degaga manfaatna,makkotofaro tau de’ppa napegaui sempajangnge,weddingngi nassabari fine’dena nafegau’i.nasaba mawatang iyaggurui lise’na sempajangnge,tudangifi gare’ tauwe kacii, maddojaki siesso siwenni nabelum tentu ripahanna.iyanae bicara weddingngi makkasolang ri umma’ sellengnge nennia nadodongiwi agamata. Naiyatosi decenna,narekko ripahangmui,nasaba iyaro riyasengnge lise’ yanaritu bating,naiyatosi riyasengnge olii,yanaritu lahereng.makkedai topandritata”narekko laherengmi bawang ripake makkasiwiyang,de tarimai puang allahu taala,makkotofaro narekko batingmi bawang ripake makkasiwiyang,detto natarimai puang allahu taala.jadi batingpa nennia lahereng nainappa natarima puang allahu taala.kecuali keadaan darurat.jadi narekko mateppe’ nennia metau tongeng muakki tongeng-tongeng ripuang allahu taala mallise’nitu sempajatta

“KAUM MUSLIMIN RAHIMAKUMULLAH”

Rilalenna kitta tasauf’e akkattana riyasengnge lise’na sempajngnge,yanaritu lahereng ripuada,batengngi tujuanna.yanaritu tau’ nennia teppe’ lao risese arajanna puang allahu taala.nainappa apadecengiwi  parengngeratta ri sah engkana puang allahu taala nennia risipa’-sipa’ assewanna puang allahu taala.sebagai assitarimang assisompungenna atae na puanna.nasaba de’nessa pakkasiwiyanna seddie rupa tau narekko de’i parengngeranna ripuanna,detto namadosa seddie rupa tau narekko egkamui marengngerang tongeng-tongeng ripuanna.jadi kesimpulanna pada laoni’mai napada ipadecengiwi akidata,assompata,nennia parengngeratta lao ripuang allahu taala nasaba iyaro parengngerangnge seddi pammase maraja pole ripuangnge.

WABILLAHI TAUFIQ.