Empat Hal Yang Tidak Terasa Nikmatnya Sebelum
Datang Empat Hal
Makkedai Andre
Gurutta Khatami Al- Azam ada empat hal
yang tidak terasa nikmatnya sebelum datang empat hal yaitu:
1. Assyabaabu la yu’rafu qadruhu illa ssyuyuukhu.
Naiya masa mudae de narisseng angke’na,makkedae nyamenna narekko to
kallolo,sumange’na narekko kalloloki,mawatang watakkalewe manessa
pakkitae,mawatakki gora,aga melo ripigau ipigau’i. Tapi egana tau napakkegunai
masa mudana ri anu salae,ri anu nacaccae puang allahu taala,karna apa,nasaba de
napahangngi makkeda maga nyamenna narekko tomalolo,magapi narasakangngi
angke’na masa mudae,napolaipi umuru’
macoa nappai nasesse’ alena,nasaba narekko to macoana namoni tettong metto
ketto maneng toni uttue,pattujungnge maloppo naiyakia pakkullengnge
madodong,narimakkuannanaro idi’silessurekku maloloe tapakkegunai masa mudata ri
laleng napurioe puang allahu taala.
2. Al afiatu la yu’rafu qadruha illa ahlal
balaa’i
Naiya asagenangengnge iyapa irasakangngi angke’na polepi abalae.
Nulle kapang wettunna masagena atuo-tuongenna maega
waramparanna,maega duina gagkanna de’ narisseng nomoro’na duie narekko mabbalancai.yallupaini
massidekkae, yallupaini massekke’e nakarana de napahangngi angke’na anu
yarengngi ri puang allahu taala,iyapa
napahangngi angke’na narekko napolei abala,cappupi waramparanna,cappupi duina
nappai maringngerang angke’na riyasengnge asagenangeng.
3. Assihhatu la yu’rafu qadruha illal marda.
Adisingengnge iyapa irasakangngi angke’na narekko polepi lasae iyare;ga
napalasaipi puang allahu taala,nappaki maringngerang,padahal wettutta sehat
yallupai masempajangnge,yallupai mellau toba’ ripuang allahu taala,sekalinna
nawerekki puang allahu taala seddi lasa nappai mega tobatta lao ri alena,
4. Al hayatu la yu’rafu qadruha illal mauta.
Naiya kehidupatta de nairisseng angke’na sangadinna polepi riyasengnge
kematian’e.
Inilah yang
paling berharga,nasaba sisengmi tauwe mate,de’ napada narekko malasaki
marengngerassiki nenniya toba’siki ripuang allahu taala. Iyatonaro passabareng
naparelluki siparengngerangi makkeda iyae linoe onrong lepang-leppangmi.dessa
tutuo pada batue rilalenna iye linoe,mau tak mau pasti dialami riyasengnge
amatengeng,padatoha makkedanna puang allah taala
كل نفس ذاءقة الموت
Tungke’-tungke’ makkinyawae pasti narasakang riyasengnge amatengeng.
Jadi nappai irasakang angke’na riyasengnge kehidupan dalam dunia ini
narekko mateki,mattamapi rilalenna calori’na kubburu’e,ri itapi paccallangnge
nappaki pada gora maneng mabbetang langi.
Narimakkuannanaro tapakkeguana memenni kehiduppatta,kesempatan iya
nawerekki puang allahu taala nasibawai
amala’ madeceng nariduppa
pamale’na nasibawai suruga pammasena
puang allahu taala.
WASSALAM
