Amal Jariah ( Amala’ Mallari )
Sining to matua malebbie pada engkae ri amasei
ripuang allahu taala..
Rilalenna ye kesempatang mabbarakka’e meloka
rampengekki aga riyasengnge amala’ mallari. Padatoha narampewe nabitta Muhammad
saw ri lalenna haddese’na makkeda : engka eppa rupanna amala’ simata mallari
rimonri mateta,yanaritu to mate syahid’e,nenniya tau mappagguruangngi
paddisengengnge,ri pakkeappalangngi nasaba nagaukenna paddissengeng riwerengngi
ritu. To massidekkae nasaba seddie passidekka. Naiyya appalanna tette’i mallari
padatoha mengkaengngi, nennia orowane salaiye anak soleh ye simata mellodoangengngi
tomatoanna ritu.
Sininna umma selleng malebbi ye engkae
hadere’
1. Riyasengnge mate syahid yanaritu matei
rilaleng napurioe puang allahu taala,malamung teppe’na,macinnong keihlasanna
gangkanna matteru murusu’i nennia pamajui agama asellengengnge. Tau makkuero
onronna matti ri ahera yanaritu risuruga fammasena puang allahu taala.
Dosa-dosana ri addampengengngi ripuang allahu taala,kumopi rilaleng kubburu’
narasa memengni pappinyamengna puang allahu taala.
2. Tau mappagguruangngi Paddisengengna ritauwe.
Gangkanna tau napaggurue na amalkangngi padatoha napurioe puag allahu
taala,nakkegunangngi ri alena,rikeluargana, nennia ri masyarakat’e,simata
taritoi appalang rimundri matena,siamata mallari appalanna natarima.
3. To massidekkae, to simata massidekkaengngi
waramparanna, nakarna puang allahu taala,nassumbangengngi ri tau maperrie,fakir
miskin’e,yare’ga masigi’e,sikola agamae,yare’ga mebbuki
jembatan,laleng,sumur,dll.
4. To mate punnai wija-wija shaleh nennia
soleha,ye simata mellau doangengngi to pajajianna,kuwenna simata nabacangengngi
akorang sikurang-kurangna ummul kitab ( al-fatihah )
Sininna tau matua malebbikeng ye
engkae riamasei ripuang allahu taala..
Yena eppae gau sitinaja yakkullei
ullengngi papolei sarekko ammengngi narilolongeng amala’mallarie, de nappettu
rimunri mateta. Narimunri pajata makkamala nasaba mateni, naiyakia de napaja
simata tarimaki appalang amala madeceng..
