4 golongan manusia menurut Imam Al-gazali
Ripahangngi makkeda naiya lino lollong lise’ napancaji puang allahu
taala untuk idi rupa taue,megami saisanna rupatau salah pahang nasengngi lino
onrong annyameng-nyamengeng yare’ga
nasengngi alena melo tuo batu,naiyakia engkato makessing pahanna makkeda
naiya lino leppa-leppangengmi. Nennia mancaji jembatang untuk manguju ri ahera.
Pole akkonie nabagei anre gurutta imam
Al-gazali rupa taue mancaji eppa golongan.
شقي فى الدنيا وسعد فى اللخرة
“macilaka
rilino maupe ri ahera”
Engka tau riwettu tuona rilino, marejjing atuo-tuongenna, mabiasa
manre narekko ele’i dessi nanre narekko tangassoi. Manre tangassosi dessi gaga
maka nanre narekko wenniwi.maccare-care wajunna,akan tetapi didalam
kehidupannya de nengka nallupai parentana puang allahu taala,de nengka
natettangngi semapajang lima wettunna.dll.iyya taue tongengni manrasa-rasa rilino
naiyakia mannyameng-nyameng matti ri akhera.
سعد فى الدنيا وسقي فى اللخرة
“maupe’ rilino
manrasa-rasa ri ahera”
Engkato tau riwettu tuona rilebo’na iye lino tuo
mannyameng-nyameng, maloppo bola batunna,mega dui’na,dua tellu otona,maluang
galunna dll. Naiyakia asogirenna napakkegunai untuk madorakai puang allahu
taala,de nengka nassempajang,de nengka napessui sekke’na waramparangna,iye
taue,tongenni manyameng atuo-tuongenna rilino naiyakia insyaallah manrasa-rasa
matti ri esso rimundrinna puang allahu taala.
شقي فى الدنيا وسقي فى اللخرة
“ macilaka ri
lino manrasa-rasa ri ahera “
Iyana golongan matellu ritella cilakana tau cilakae,tuo rilebo’na
iye tanae rigau engkana manrsa-rasa,mabbola-bola dare’ riwirinna saloe,narekko
bosiwi nabosingngi,narekko lempe’i nalai wai.punnaisi bene,bene temmatturu,ana
temmangkalinga baca,anrena temmanyameng,temmemme’tinrona pappadai narekko
tamani neraka nadepa nakame’ lino,na detto nengka najamai aga-aga napparentang
puang allahu taala.temmassempajang,temmappuasa,de nengka nassikkiri. Tau
makkoae insyaallah menderitani rilino lebbipi anrasa-rasanna matti ri
ahera.nauzu billah min zalik.
سعد في الدنيا وسعد فى اللخرة
“ maupe rilino
nennia maupetto riahera “
Iyatosi golongang maeppae tau kaminang maupe rilino riwerengngi ri
puang allahu taala waramparang maega,maloppo bolana,maloang dare’na nennia
galunna,mega otona,matanre jabatanna,matturu benena,ana’na mangkalinga
ada.matinulu jamai parentana puang allahu taala.sehingga pappeneddinna samannai
tamai suruga riyolo temmatena.insyaallah tau makkuae riahera ri
passadiangengngi matti ri puang allahu taala kamara rilalenna dua tellu salo
buah-buahan maddupa rupang anre-anre teppa jinna,nennia ana bidadari temmaka
cantikna.pada laoni mai nato mellau ri puang allahu taala,mammure’i napattamaki
rigolongan ma eppae.maupe’ni rilino nennia tolaba ri ahera matti insyaallah..
